I.R. Uimh. 543/2017 - An tOrdú um Acht na Gaeltachta, 2012 (Limistéir Pleanála Teanga Ghaeltachta a Ainmniú), 2017.
Foilsíodh fógra san “Iris Oifigiúil” an 1ú lá de Nollaig, 2017 á rá go ndearnadh an Ionstraim Reachtúil seo. | ||
I bhfeidhmiú na gcumhachtaí a thugtar dom le h alt 7 (2) d’Acht na Gaeltachta, 2012 (Uimh. 34 de 2012) agus an tOrdú um Ealaíona, Oidhreacht, Gnóthaí Réigiúnacha, Tuaithe agus Gaeltachta (Feidhmeanna Aire a Tharmligean), 2017 ( I.R. Uimh. 315 de 2017 ) (arna oiriúnú leis an Ordú um Ealaíona, Oidhreacht, Gnóthaí Réigiúnacha, Tuaithe agus Gaeltachta (Ainm na Roinne agus Teideal an Aire a Athrú), 2017 (I.R. Uimh. 350 de 2017)), déanaimse, Joe McHugh, Aire Stáit ag an Roinn Cultúir, Oidhreachta agus Gaeltachta, leis seo an t-ordú seo a leanas: | ||
1. An tOrdú um Acht na Gaeltachta, 2012 (Limistéir Pleanála Teanga Ghaeltachta a Ainmniú), 2017 is teideal don Ordú seo. | ||
2. Tá gach ceann de na limistéir a shonraítear sa Sceideal ainmnithe mar Limistéar Pleanála Teanga Gaeltachta chun críocha alt 7 (2) d’ Acht na Gaeltachta, 2012 (Uimh. 34 de 2012). | ||
An Sceideal | ||
Limistéar Pleanála Teanga: Gaoth Dobhair, Rann na Feirste, Anagaire agus Loch an Iúir, Co. Dhún na nGall | ||
(1) Na toghranna ceantair seo a leanas: Machaire Chlochair, Cró Bheithe. | ||
(2) An chuid sin de thoghroinn cheantair Anagaire atá comhdhéanta de na bailte fearainn seo a leanas: Anagaire, An Coillín Darach, Doire na Mainséar, Sliabh Dhroim na Ceárta, Loch an Iúir, Mín Doire na Slua, Mín na Leice agus Rann na Feirste. | ||
(3) An chuid sin de thoghroinn cheantair Dhún Lúiche atá comhdhéanta de na bailte fearainn seo a leanas: Alltán, Na Beanna Gorma, Dún Lúiche Íochtarach, Dún Lúiche Uachtarach, Muine Beag, Muine Mór, Sliabh na Cloigne Thuaidh, Mín na gCopóg, Sliabh Dhroim na Luifearnaí, Cró an Locháin agus Cró na gCaorach. | ||
(4) An chuid sin de thoghroinn cheantair Mhín an Chladaigh atá comhdhéanta de na bailte fearainn seo a leanas: An Charraig, Bun na Leaca, Cnoc Fola, An Chorrmhín, An Ghlaisigh, Inis Meáin, Mín an Chladaigh agus Inis Oirthir (gan Toraigh san áireamh). | ||
(5) An chuid sin de thoghroinn cheantair Ghort an Choirce atá comhdhéanta de na bailte fearainn seo a leanas: Glaise Chú. | ||
| ||
ARNA THABHAIRT faoi mo láimh, | ||
15 Samhain 2017. | ||
JOE McHUGH, | ||
Aire Stáit ag an Roinn Cultúir, Oidhreachta agus Gaeltachta. |