I.R. Uimh. 219/1982 -An tOrdú Staidrimh (Móráireamh ar Tháirgeadh), 1982.

De bhun na gcumhachtaí a thugtar dom le halt 16 (1) den Acht Staitístíochta, 1926 (Uimh. 12 de 1926), agus leis an Ordú um na hAchta Staidrimh, 1926 agus 1946 (Feidhmeanna Aire d'Aistriú), 1949 (I.R. Uimh. 142 de 1949) agus an tOrdú Staidrimh (Cumhachtaí agus Dualgais a Tharmligean) 1981 (I.R. Uimh. 97 de 1982) ordaímse, PHARALÁN Ó h-EACTHAIRN, Aire Stáit ag Roinn an Taoisigh, leis seo, mar a leanas:—

1. An tOrdú Staidrimh (Móráireamh ar Tháirgeadh) 1982, is teideal don Ordú seo.

2. Baineann an tAcht Léiriúcháin, 1937 (Uimh. 38 de 1937), leis an Ordú seo.

3. Baineann an tOrdú seo le gach-gnóthas de na gnóthais seo a leanas is é sin le rá, na tionscail, na ceirdeanna agus na gnóthaí a shonraítear i gCuid I den Sceideal a ghabhann leis seo.

4. Baileofar staidrimh (dá ngairtear "an staidreamh" san Ordú seo) sa bhliain 1982, maidir leis na gnóthais lena mbaineann an tOrdú seo, i dtaobh na nithe ar leithligh atá leagtha amach i gCuid II den Sceideal a ghabhann leis seo.

5. Is iad na foirmeacha a úsáidfear chun an staidreamh a bhailiú na foirmeacha a thaispeántar i gCuid III den Sceideal a ghabhann leis seo, agus tá sraith díobh sin agus iad sínithe ag an Aire Stáit ag Roinn an Taoisigh taiscthe i Roinn an Taoisigh.

6. Is é an duine a sheolann an gnóthas, agus ar a ndéanfar leoréileamh faoi alt 8 (1) den Acht Staitistiochta, 1926 (Uimh. 12 de 1926), a thabharfaidh tuairisceáin agus eolas uaidh, chun críche an staidrimh, maidir le haon gnóthas lena mbaineann an tOrdú seo.

AN SCEIDEAL

CUID I

TIONSCAIL, CEIRDEANNA AGUS GNÓTHAÍ

Fuinneamh agus Uisce

Baint ghuail agus mhóna, astarraingt ola agus gáis nádúrtha (lena n-áirítear ullmhú láithreán) mar aon le sirtheoireacht nó taiscéalaíocht i ndáil leis an gcéanna, ola mhianrúil a mhínghlanadh agus fuinneamh leictreach a ghiniúint, a tharchur agus a dháileadh, déanamh gáis in Oibreacha Gáis, soláthar agus dáileadh uisce..

Mianraí Neamhfhuinniúla

Mianraí neamhfhuinniúla agus táirgí díobh a astarraingt agus a phróisiú agus sirtheoireacht nó taiscéalaíocht i ndáil leis an gcéanna (lena n-áirítear ullmhú láithreán).

Tionscail Déantúsaíochta

Substaintí, idir orgánach agus neamhorgánach, a chlaochló go meicniúil nó go ceimiciúil ina dtáirgí nua, mar aon leis an obair dheisiúcháin atá gaolmhar leis sin agus cóimeáil comhpháirteanna de tháirgí déantúsaíochta.

Foirgníocht

Foirgníocht agus Cothabháil Oibreacha ag Iarnróid, Údaráis Áitiúla agus Údarais Phoiblí eile, lena n-áirítear Foirgnimh, Oibreacha Séarachais agus Siltin, Canálacha, Cuanta agus Dugaí, Bóithre Poiblí agus Droichid agus Oibreacha eile den saghas sin.

CUID II

Is leis an mbliain 1981 a bhaineann an méid atá sa Chuid seo (ach amháin mar a n-éilíonn an comhthéacs a mhalairt).

EOLAS, TUAIRISCEÁlN AGUS SONRAÍ

CAIBIDIL I

Maidir le gnóthais a ndéantar leoréileamh ina leith faoi alt 8 (1) den Acht Staitistíochta, 1926, ar cheann amháin nó níos mó de na foirmeacha a shonraítear i gCuid III (A) den Sceideal seo.

Uimh. 1.—Sonraí Ginearálta

( a ) Ainm, Seoladh agus Uimhir Theileafóin na Príomh-Oifige

( b ) Bliain an Tuairisceáin

Uimh. 2.—Athruithe ar na Sócmhainní Caipitiúla Dochta i rith na bliana

( a ) Méaduithe ar na Sócmhainni Caipitiúla Dochta agus idirdhealú a dhéanamh eatarthu seo a leanas:—

(i) Costas gléasra, innealra, trealaimh agus feithiclí.

(ii) Foirgnimh (lena n-áirítear méaduithe agus athruithe substaintiulá) agus gach uile obair tógála eile.

(iii) Costas na sócmhainní caipitiúla dochta eile go léir (lenanáirítear talamh).

( b ) Laghduithe ar na Sócmhainní Caipitiúla Dochta i rith na bliana agus idirdhealú a dhéanamh eatarthu seo a leanas:—

(i) Toradh díolachán gléasra, innealra, trealaimh agus feithiclí.

(ii) Toradh díolachán foirgneamh.

(iii) Toradh díolachán na sócmhainní caipitiúla dochta eile go léir (lena n-áirítear talamh).

Uimh. 3.—Stoic agus Obair ar Siúl

Luach na nithe seo a leanas i dtús agus i ndeireadh na bliana; (a) stoic d'ábhair agus breosla, (b) obair ar siúl, (c) stoic d'earraí críochnaithe a rinne an bunachas agus a bhí ullamh chun a ndíola, agus (d) stoic d'earraí a ceannaíodh lena n-athdhíol gan a thuilleadh próiseála.

Uimh. 4.—Táirgi a Monaraíodh agus Obair a Rinneadh i rith na Bliana

( a ) Cainníocht agus luach gach ceann faoi leith de na príomhtháirgí arna chur síos ar leithligh. Sonraí ar na táirgí eile go léir agus luach iomlán na dtáirgí sin le chéile.

( b ) Na suimeanna a fuarthas as an obair go léir a rinne fostaithe an bhunachais, lena n-áirítear na suimeanna a fuarthas as an obair a rinneadh ar ábhair a sholáthraigh daoine eile agus na suimeanna a fuarthas as deisiúcháin a rinneadh do dhaoine eile.

Uimh. 5.—Ábhair agus Comhábhair a Úsáideadh

Sonraí na mbunábhar agus na gcomhpháirteanna go léir a úsáideadh ag táirgeadh nó ag déanamh na dtáirgí i rith na bliana agus ag déanamh na hoibre, a n-iarrtar sonraí ina leith in Uimh. 4 den Chaibidil seo.

Uimh. 6.—Costas Coimeádán, Deisiúchán, etc.

Costas coimeádan agus ábhair phacála eile a díoladh leis na hearraí; costas na n-ábhar a ceannaíodh le deisiú a dhéanamh ar fhoirgnimh agus ar ghléasra ag fostaithe an bhunachais; suimeanna a íocadh as obair chonartha a rinne daoine eile ar ábhar a chuir an bunachas ar fáil i ndáil leis na táirgí a n-iarrtar sonraí ina leith in Uimh. 4 den Chaibidil seo; suimeanna a íocadh le gnólachtaí eile as deisiú agus cothabháil gléasra, innealra, feithiclí agus foirgneamh.

Uimh. 7.—Breosla, Leictreachas, etc., a úsáideadh i rith na Bliana

Ní foláir sonraí a thabhairt i dtaobh cainníocht agus costas (sna hoibreacha) gach ceann de na saghsanna éagsúla breosla, olaí agus leictreachais, etc., a usáideadh i rith na bliana.

Uimh. 8.—Fostaíocht agus Tuarastail agus Pá a Íocadh

A—Maidir le bunachais a bhfuil sé riachtanach tuairisceáin a thabhairt ina leith i ngach ceann de na foirmeacha atá sonraithe i gCuid III (A) den Sceideal seo:

( a ) An líon daoine a bhí iarbhír ag obair nó ar laethanta saoire nó ar saoire bhreoiteachta ar a bpá i rith na seachtaine pá dár chríoch 19 Meán Fómhair, 1981, nó an dáta ionadaitheach is gaire dó sin, ag idirdhealú idir na haicmí seo a leanas agus ag taispeáint líon na bhfireannach agus na mbaineannach ar leithligh:—

(i) Dílseánaigh agus daoine den líon tí ag obair sa ghnó gan pá,

(ii) foireann bainistíochta, teicníochta agus foireann eile ar tuarastal,

(iii) Foireann cléireachais agus foireann eile oifige,

(iv) bunfhoireann mhaoirseachta,

(v) Oibrithe láimhe, seachas printísigh agus tascoibrithe lasmuigh,

(vi) Printísigh,

(vii) Tascoibrithe lasmuigh.

( b ) Méid iomlán na dtuarastal, an phá agus na dtuilleamh a íocadh i rith na bliana le gach aicme de na haicmí fostaithe atá luaite in Uimh. 8A (a) (ii) go (vii).

Caibidil II

Maidir le gnóthais a ndéantar leoréileamh ina leith faoi alt 8 (1) den Acht Staitistíochta, 1926, ar an bhfoirm a shonraítear i gCuid III (B) den Sceideal seo. Caithfear na sonraí atá sonraithe in Uimh. 1 go hUimh. 11, go huile den chaibidil seo a sholáthar i leith gach fiontar tionscail ina raibh fiche duine nó níos mó fostaithe i rith na seachtaine dár chríoch 19 Meán Fómhair, 1981.

Uimh. 1.—Sonraí an Fhiontair

( a ) Ainm trádála.

( b ) Seoladh Príomh-Oifige.

( c ) Uimhir Theileafóin.

( d ) Sonraí na hÚinéireachta.

( e ) Seoladh gach bunachais san fhiontar agus cuntas ar an sórt gníomhaíochta a bhíonn ar siúl ann.

Uimh. 2.—Athruithe ar na Sócmhainní Caipitiúla Dochta i rith na Bliana

Méaduithe agus laghduithe ar na Sócmhainní Caipitiúla Dochta agus idirdhealú a dhéanamh eatarthu seo a leanas:—

(i) Féithicli paisinéirí

(ii) Na feithiclí eile uile

(iii) Gléasra, innealra agus trealamh a rinne foireann an Fhiontair féin

(iv) gléasra, innealra agus trealamh a ceannaíodh agus a cuireadh i bhfearas

(v) Obair foirgníochta agus tógála a rinne foireann an Fhiontair féin

(vi) Obair foirgníochta agus tógála a rinne conraitheoirí

(vii) foirgnimh chríochnaithe

(viii) Talamh (gan togáil air)

(vi) Na sócmhainní caipitiúla dochta eile go léir.

Uimh. 3.—Stole agus Obair ar Siúl

Luach na nithe seo a leanas i dtús agus i ndeireadh na bliana; (a) stoic d'ábhair agus breoslaí, (b) obair ar siúl, (c) stoic d'earraí críochnaithe a rinne an fiontar agus a bhí ullamh chun a ndíola agus (d) stoic d'éarraí a ceannaíodh lena n-athdhiol gan a thuilleadh próiseála.

Uimh. 4.—Sonraí Láimhdeachais, agus idirdhealú a dhéanamh eatarthu seo a leanas:

( a ) An méid iomlán a sonraíodh do chustaiméirí maidir le,

(i) earraí a táirgeadh agus a díoladh,

(ii) seirbhísí tionscail a cuireadh ar fáil.

( b ) Luach earraí ceannaithe a margaíodh nó a monaraíodh.

( c ) Aon ghnéithe eile láimhdeachais.

Uimh. 5.—Sonraí Nithe a Ceannaíodh, agus idirdhealú a dhéanamh eatarthu seo a leanas:

( a ) Costas ábhar agus breoslaí lena n-áirítear ábhair i gcomhair earraí caipitil a tháirgeadh.

( b ) Costas na seirbhísí tionscail go léir a fuarthas.

( c ) Costas earraí a margaíodh nó a monaraíodh.

Uimh. 6.—Sonraí Costas Seirbhísí Neamh-Thionscail, agus idirdhealú a dhéanamh eatarthu seo a leanas:

( a ) Gléasra, innealra, trealamh, feithiclí etc., a fhruiliú.

( b ) Cíosanna a íocadh ar áitribh.

( c ) Préimheanna árachais a íocadh ar ghléasra agus ar áitribh.

( d ) Muirir bainc gan muirir úis a áireamh.

( e ) Gach seirbhís neamh-thionscail eile.

Uimh. 7.—Sonraí Cánach ar Láimhdeachas agus Cánacha Indíreacha, agus idirdhealú a dhéanamh eatarthu seo a leanas:

( a ) An méid iomlán Cánach Breisluacha a cuireadh in aghaidh an láimhdeachais.

( b ) An méid d'aon chánacha máil a íocadh nó is iníoctha.

( c ) An méid d'aon chánacha indíreacha eile a íocadh nó is iníoctha.

Uimh. 8—Sonraí Cánacha ar Inchur, agus idirdhealú a dhéanamh eatarthu seo a leanas:

( a ) An méid Cánach Breisluacha is inasbhainte nuair a cheannaítear ábhair, breoslaí, earraí le athdhíol, etc.

( b ) An méid Cánach Breisluacha is inasbhainte nuair a cheannaítear sócmhainní caipitiúla dochta.

Uimh. 9.—Sonraí i dtaobh Fóirdheontais Oibríochta

An méid a fuarthas as cistí Stáit nó ó institiúidí na gComhphobal Eorpach mar fhóirdheontais oibríochta.

Uimh. 10.—Fostaíocht agus Tuarastal agus Pá á Íocadh

(i) Dílseánaigh agus a líon tí ag obair sa bhfiontar gan pá,

(ii) Foireann bainistíochta, teicníochta agus foireann eile ar tuarastal,

(iii) Foireann cléireachais agus foireann eile oifige,

(iv) Bunfhoireann maoirseachta,

(v) Oibrithe láimhe, seachas printísigh agus tascoibrithe lasmuigh,

(vi) Printísigh,

(vii) Tascoibrithe lasmuigh.

( b ) Méid iomlán na dtuarastal, an phá agus na dtuilleamh a íocadh i rith na bliana le gach aicme de na haicmí fostaithe atá luaite i bhfomhíreanna (ii) go (vii) go huile d'Uimh. 10 (a) den Chaibidil seo.

Uimh. 11.—Costais Saothair eile

Méid na muirear nó na gcostas a d'íoc an fiontar i rith na bliana i leith na bhfostaithe eile mar gheall ar—

( a ) Ranníocaí fostóirí chun stampaí árachais shóisialaigh a cheannach agus le scéim árachais shóisialaigh pá-choibhneasa.

( b ) Íocaíochtaí iomarcaíochta.

( c ) Ranníocaí fostóirí i leith cistí aoisliúntas agus scéimeanna pinsin eile.

( d ) Íocaíochtai pinsean nó sochair scoir seachas iad sin a íocadh as na cistí aoisliúntas.

( e ) Préimheanna árachais a íocadh thar ceann fostaithe le haghaidh tinnis nó gortaithe.

( f ) Íocaiochtaí forlíontacha ie fostaithe i leith tinnis nó gortaithe.

( g ) Íocaíochtaí comhchineáil a cuireadh ar fáil d'fhostaithe.

( h ) Costais shóisialta eile.

( i ) Costais Oiliúna.

CUID III.

(A)—Maidir le gnóthais ar gá an t-eolas, na tuairisceain agus na sonraí a ordaitear i gcuid II Caibidil I den Sceideal seo a thabhairt ina leith.

Foirm Uimh. B		Tionscail, Trádail nó Gnó
C.I.P. 81/111		Baint Guail
C.I.P. 81/134		Taiscéalaíocht agus Astarraingt Pheitriliam agus Gáis Aiceanta
C.I.P. 81/140		Mínghlanadh Ola Mianraí agus próiseáil torthaí Pheitríliam
C.I.P. 81/161		Giniúint agus Dáileadh Cumhacht leictreachais
C.I.P. 81/162		Oibreacha Gáis, Dáileadh Gáis
C.I.P. 81/170		Soláthar Uisce; Uisce a Bhailiú, a Íonú agus a Dháileadh
C.I.P. 81/212		Baint agus ullmhú Mianta Miotail Neamhfheiriúla
C.I.P. 81/221		Tionscal Iarainn agus Cruach
C.I.P. 81/223		Tarraingt, Fuar-rollú agus Fuarfhilleadh Cruach
C.I.P. 81/224		Táirgeadh agus Céadphróisiú Miotal Neamhfheiriúil
C.I.P. 81/231		Baint Ábhar Foirgníochta agus Créanna Teasfhulangacha
C.I.P. 81/239		Baint Mhianraí eile; Móin
C.I.P. 81/241		Monarú Cré-earraí le haghaidh Foirgníochta
C.I.P. 81/242		Monarú Stroighne, Aoil agus Plástair
C.I.P. 81/243		Monarú Earraí Coincréite, Stroighne nó Plástair le haghaidh Foirgníochta
C.I.P. 81/244		Monarú Earraí Aispeist
C.I.P. 81/245		Obair Chloiche agus Obair ar Tháirgí Mianracha Neamh-mhiotalacha eile
C.I.P. 81/246		Táirgeadh Liaga Brón agus Táirgí Scríobacha eile
C.I.P. 81/247		Monarú Gloine agus Earraí Gloine
C.I.P. 81/248		Monarú Earraí Criadóireachta
C.I.P. 81/251A		Monarú Ceimicigh Thionscail Bhunata (gan leasacháin a áireamh)
C.I.P. 81/251B		Leasacháin
C.I.P. 81/255		Monarú Péinteanna, Vearnaiseacha, Dúch Clóite etc.
C.I.P. 81/256		Táirgí ceimiceacha, chun críocha Tionscail agus Talmhaíochta go formhór (gan Leasacháin a áireamh)
C.I.P. 81/257		Monarú Táirgí Cógaisíochta
C.I.P. 81/258		Gallúnach, Glantóirí Tacair, Cumhráin agus Ullmhóidí Maisiúcháin
C.I.P. 81/259		Táirgí Ceimiceacha eile le haghaidh úsáide Tís agus Oifige go formhór
C.I.P. 81/260		Tionscal Snáithreach Sintéiseach
C.I.P. 81/311		Teilgcheártain
C.I.P. 81/312		Gaibhníocht, Brú agus Stampáil Mhiotal
C.I.P. 81/313		Claochló Tánaisteach, Cóireáil agus Cótáil Mhiotal
C.I.P. 81/314		Monarú Táirgí Miotail Déanmhais (lena n-áirítear Cóimeáil Chomhghafa agus Feistiú)
C.I.P. 81/315		Déantóireacht Choirí, Monarú Taiscumar, Tainceanna agus Coimeádán Leatháin Mhiotail eile
C.I.P. 81/316		Monarú Airnéise agus Earraí Miotail Críochnaithe agus Táirgí eile Ceardlainne Miotail
C.I.P. 81/319
C.I.P. 81/321
C.I.P. 81/322		(A) Meaisín-Airnéise le miotail a Oibriú agus Meaisín-airnéise eile
C.I.P. 81/323		(B) Innealra agus Gabhálais Teicstíleacha
C.I.P. 81/324		Monarú Innealra le haghaidh Tionscal Bia, Tionscal Ceimiceach agus Tionscal Gaolmhar
C.I.P. 81/325		Gléasra agus Innealra do Mhianaigh, do Theilgcheartain, d'Oibreacha Cruach agus d'Innealtóireacht Shibhialta (lena n-áirítear crainn thógála) etc.
C.I.P. 81/326		Monarú agus cóimeáil trealamh traiseolta do chumhacht thiomána agus innealra agus trealamh do thionscail áirithe
C.I.P. 81/327
C.I.P. 81/328
C.I.P. 81/330		Monarú Innealra Oifige agus Innealra Próiseála Sonraí
C.I.P. 81/341		Sreanga agus Cáblaí Inslithe
C.I.P. 81/342		Monarú Innealra Leictreachais (lena n-áirítear mótair leictreachais, gineadóirí, claochladáin, etc.)
C.I.P. 81/343		Monarú Gaireas agus Fearas Leictreachais le haghaidh Úsaide Tionscail (lena n-áirítear batairí agus taisc-chealla)
C.I.P. 81/344		Monarú Trealamh Teileachumarsáide, Trealamh Tomhais, Trealamh Taifeadta agus Trealamh Leictriliachta
C.I.P. 81/345		Monarú Trealamh Raidió, Teilifíse agus atáirgeadh agus taifeadadh fuaime
C.I.P. 81/346		Monarú Fearas Leictreachais Tís
C.I.P. 81/347		Monarú (A) Lampaí Leictreachais agus Trealamh Soilsiúcháin Leictreachais
C.I.P. 81/348	(B) Trealamh Leictreachais a Fheistiú
C.I.P. 81/351		Monarú agus Cóimeáil Mótarfheithiclí
C.I.P. 81/352		Monarú (A) Cabhlacha d'Fheithiclí, Leantóirí, Carabháin, etc.
C.I.P. 81/353	(B) Páirteanna agus Gabhálais do Mhótarfheithiclí
C.I.P. 81/361		Déanamh Long
C.I.P. 81/362		Monarú Rothdhíle Iarnróid
C.I.P. 81/363		Monarú Rothar, Gluaisrothair, Páirteanna agus Gabhálas
C.I.P. 81/364		Trealamh Aeraspáis agus Trealamh Iompair eile a Mhonarú agus a Dheisiú
C.I.P. 81/365
C.I.P. 81/371
C.I.P. 81/372		Monarú Trealamh Liachta, Máinliachta, etc.
C.I.P. 81/373		Monarú: (A) Trealamh Optúil agus Trealamh Fótagrafaíochta
C.I.P. 81/374	(B) Uaireadóirí agus Cloig agus Codanna díobh
C.I.P. 81/411		Margairín agus Olaí agus Méithris ullmhaithe eile
C.I.P. 81/412		Marú Cóiriú agus Leasú Feola
C.I.P. 81/413		Monarú Táirgí Déiríochta
C.I.P. 81/414		Próisiú agus Leasú Torthaí agus Glasraí
C.I.P. 81/415		Próisiú agus Leasú Éisc
C.I.P. 81/416		Muilleoireacht Ghráin
C.I.P. 81/417		Monarú: (A) Spaigití, Macarón, etc.
C.I.P. 81/418	(B) Stáirse agus Táirgí Stáirse
C.I.P. 81/419		Arán agus Milseogra Plúir (lena n-áirítear brioscaí)
C.I.P. 81/420		Monarú agus mínghlanadh siúcra
C.I.P. 81/421		Monarú Milseogra Cócó, Seacláide agus Siúcra
C.I.P. 81/422		Beatha Ainmhithe agus Beatha Éanlaithe Clóis
C.I.P. 81/423		Monarú Táirgí Beatha Eile
C.I.P. 81/424		Driogadh agus Comhshuíomh Biotáille
C.I.P. 81/425		Monarú Fíona, Ceirtlise agus Deochanna Glasa
C.I.P. 81/426		Monarú Fíona, Ceirtlise agus Deochanna Glasa
C.I.P. 81/428
C.I.P. 81/427A
C.I.P. 81/427B
C.I.P. 81/429		Monarú Táirgí Tobac
C.I.P. 81/431		Tionscal Olla
C.I.P. 81/432		Tionscal Cadáis
C.I.P. 81/433		Snáithíní agus Uigí Sintéiseacha, Síoda agus Síodúla
C.I.P. 81/434		Cóiriú, Sníomh agus Fiochán Lín, Cnáibe agus Ramie
C.I.P. 81/435		Tionscal Iúit
C.I.P. 81/436		Tionscal Cniotála
C.I.P. 81/437		Críochnú Teicstíleacha
C.I.P. 81/438		Brait Urláir, Líonóil agus Clúdaigh Eile Urláir
C.I.P. 81/439		Iltionscail Teicstíleacha
C.I.P. 81/441		Súdaireacht agus Cóiriú Leathair
C.I.P. 81/442		Monarú Táirgí as Leathar agus Táirgí as Bréigleathair
C.I.P. 81/451		Monarú Coisbhirt
C.I.P. 81/453A		Éadaí - Éadaí Fear agus Éadaí Buachaillí, Cultacha, Cótaí Móra, Hataí, Caipíní, etc.
C.I.P. 81/453B		Éadaí — Déanamh Léinte
C.I.P. 81/453C		Éadaí — Éadaí Ban agus Éadaí Cailíní (seachas Góiséireacht)
C.I.P. 81/453D		Éadaí — Baill Eadaigh Ilghnéitheacha agus Gabhálais
C.I.P. 81/455		Teicstíleacha Tís agus Earraí Teicstíleacha Comhdhéanta eile
C.I.P. 81/456		Fionnaidh agus Earraí Fionnaidh
C.I.P. 81/461		Sáibhéaracht agus Próisiú Adhmaid
C.I.P. 81/462		Monarú Táirgí Páirtchríochnaithe Adhmaid
C.I.P. 81/463		Monarú Comhpáirteanna Adhmadóireachta agus Siúinéireachta
C.I.P. 81/464		Coimeádáin Adhmaid
C.I.P. 81/465		Earraí Monaraithe Adhmaid Eile
C.I.P. 81/466		Earraí Coirc, Tuí, etc. Scuaba agus Scuaba Urláir
C.I.P. 81/467		Monarú Troscáin Admhaid
C.I.P. 81/471		Monarú Laín, Páipéir agus Cláir
C.I.P. 81/472		Próisiú Páipéir agus Cláir.
C.I.P. 81/473		Clódóireacht, Foilsitheoireacht agus Comhthrádálacha
C.I.P. 81/474
C.I.P. 81/481
C.I.P. 81/482
C.I.P. 81/483		Próisiú Pleaisticí
C.I.P. 81/491		Seodra, Earraí Gabha Óir agus Gabha Ghil
C.I.P. 81/492		Gléasanna Ceoil
C.I.P. 81/493		Saotharlanna Fótografaíochta agus Cineamatagrafaíochta
C.I.P. 81/494		Bréagáin agus Earraí Spóirt
C.I.P. 81/495		Tionscail Mhonaraíochta Ilghnéitheacha
C.I.P. 81/54		Údaráis Aitiúla
C.I.P. 81/55		Canálacha, Duganna agus Calafoirt
C.I.P. 81/56		Iarnróid — Deanamh, Cothabháil agus Deisiú, gan Trealamh Iarnróid, Mótarbhusanna ná Mótarleoraithe a áireamh

(B) — Maidir le gnóthais ar gá an t-eolas, na tuairisceáin agus na sonraí a ordaítear i gCuid II Caibidil II den Sceideal seo a thabhairt ina leith.

Foirm A — Móraireamh ar Tháirgeadh Tionscail, 1981.

ARNA THABHAIRT faoi mo Láimh an 7ú lá seo de Iúil 1982.

PHARALÁN Ó h-EACTHAIRN,

Aire Stáit.

NÓTA MÍNÍUCHÁIN

(Ní cuid den Ionstraim an nóta seo ná ní ceart a mheas gur míniú dlíthiúil uirthi é).

Is é is cuspóir don ionstraim seo cumhacht a thabhairt chun Móráireamh reachtúil a dhéanamh ar Tháirgeadh Tionscail do bhliain 1981, míniú a thabhairt ar scóp an Mhóráirimh agus a chur faoi deara tuairisceáin a thabhairt don PhríomhOifig Staidrimh i dtaobh na ngnóthas go léir ar eisíodh na foirmeacha ordaithe ina leith.