I.R. Uimh. 114/1980 -Na Rialacha i dTaobhCoistí Gairm-Oideachais (Liútais do Chomhaltaí) (Leasú), 1980.
I bhfeidhmiú na gcumhachtaí a thugtar dom le halt 6 (4) den Acht Gairm-Oideachais (Leasú), 1947 (Uimh. 1 de 1947), arna leasú le halt 5 den Acht Gairm-Oideachais (Leasú), 1962 (Uimh. 28 de 1962), déanaimse, SEÁN P. MAC UILLIAM, Aire Oideachais, leis seo na Rialacha seo a leanas: 1. Na Rialacha i dtaobh Coistí Gairm-Oideachais (Liúntais do Chomhaltaí) (Leasú), 1980, is teideal do na Rialacha seo. 2. Measfar na Rialacha seo do theacht i ngníomh an lú lá de Mheán Fómhair, 1979. 3. Sna Rialacha seo, ciallaíonn "Rialacha 1978" na Rialacha i dtaobh Coistí Gairm-Oideachais (Liúntais do Chomhaltaí) (Leasú), 1978 (I.R. Uimh. 23 de 1978). 4. Leasaítear leis seo na Rialacha i dtaobh Coistí Gairm-Oideachais (Liúntais do Chomhaltaí), 1963 (I.R. Uimh. 114 de 1963): | ||
(a) trí "cúig phunt agus ochtó pingin nua" a chur in ionad "trí phunt agus cúig phingin nua is seachtó" (a cuireadh isteach le Rialacha 1978), i Riail 3 (a); | ||
(b) trí "ocht bpunt" a chur in ionad "cúig phunt agus daichead pingin nua" (a cuireadh isteach le Rialacha 1978), i Riail 3 (b), agus | ||
(c) trí "ocht bpunt agus fiche pingin nua" a chur in ionad "cúig phunt agus cúig phingin nua is seasca" (a cuireadh isteach le Rialacha 1978), i Riail 4, | ||
agus leagtar amach sa Tábla a ghabhann leis na Rialacha seo, Rialacha 3 agus 4 arna leasú amhlaidh. | ||
AN TÁBLA. | ||
3. Is é an méid liúntais is iníoctha faoi mhír (a) d'fho-alt (4) d'alt 6 d'Acht 1947 ag coiste contae le comhalta den choiste contae nó d'fhochoiste ceadaithe den choiste contae— | ||
(a) cúig phunt agus ochtó pingin nua i gcás tréimhse leanúnaí nach lú ná trí huaire a chloig ach is lú ná seacht n-uaire a chloig; | ||
(b) ocht bpunt i gcás tréimhse leanúnaí nach lú ná seacht n-uaire a chloig. | ||
4. Má bhíonn rún faoi chlásal (ii) de mhír (d ) (a cuireadh isteach le halt 5 den Acht Gairm-Oideachais (Leasú), 1962 (Uimh. 28 de 1962)) d'fho-alt 4 d'alt 6 d'Acht 1947 i bhfeidhm i leith coiste contae nó fochoiste ceadaithe den choiste contae, suim nach mó ná ocht bpunt agus fiche pingin nua a bheidh sa liúntas a íocfaidh an coiste contae le comhalta den choiste contae nó den fhochoiste ceadaithe— | ||
(a) a rinne freastal ar chruinniú den choiste contae nó den fhochoiste ceadaithe in áit is lú ná cúig mhíle ar aon bhealach óna áit chónaithe, agus | ||
(b) arbh éigin dó i ngeall ar an bhfreastal sin fanacht as baile ar feadh tréimhse leanúnaí nach lú ná trí huaire. | ||
ARNA THABHAIRT faoi mo Shéala Oifigiúil an 16ú lá seo de Aibreán, | ||
1980. | ||
SEÁN P. MAC UILLIAM, | ||
Aire Oideachais. | ||
NÓTA MÍNIÚCHÁIN. | ||
(Ní cuid den Ionstraim an nóta seo ná ní ceart a mheas gur míniú dlíthiúil uirthi è.) | ||
Rialaítear leis na Rialacha seo na liúntais a bheidh le híoc le comhaltaí de choistí gairmoideachais contae agus le comhaltaí d'fhochoistí ceadaithe de chuid na gcoistí contae sin i leith a bhfreastail ar chruinnithe de na coistí contae nó de na fochoistí ceadaithe sin. |