I.R. Uimh. 391/1977 -An tOrdú Staidrimh (Móráireamh ar Tháirgeadh), (Uimh. 2), 1977.

De bhun na gcumhachtaí a thugtar dom le halt 16 (1) den Acht Staitistíochta, 1926 (Uimh. 12 de 1926), agus leis an Ordú um na hAchta Staidrimh, 1926 agus 1946 (Feidhmeanna Aire d'Aistriú), 1949 (I.R. Uimh. 142 de 1949), ordaimse, SEÁN Ó LOINSIGH, Taoiseach, leis seo, mar a leanas:—

1. An tOrdú Staidrimh (Móráireamh ar Tháirgeadh) (Uimh. 2), 1977, is teideal don Ordú seo.

2. Baineann an tAcht Léiriúcháin, 1937 (Uimh. 38 de 1937), leis an Ordú seo.

3. Baineann an tOrdú seo le gach bunachas atá ag gabháil do ghníomhaíochtaí tairgiochta de chinéal a sheoltar sna tionscail, sna trádálacha agus sna gnóthai a shonraítear i gCuid I den Sceideal a ghabhann leis seo.

4. Baileofar staidreamh (dá ngairtear "an staidreamh" san Ordú seo) sa bhliain 1977, maidir leis na bunachais lena mbaineann an tOrdú seo, i dtaobh na nithe ar leithligh atá leagtha amach i gCuid II den Sceideal a ghabhann leis seo.

5. Is iad na foirmeacha a úsáidfear chun an staidreamh a bhailiú na foirmeacha a thaispeántar i gCuid III den Sceideal a ghabhann leis seo, agus tá sraith diobh sin atá séalaithe le Séala Oifigiúil an Taoisigh taiscthe i Roinn an Taoisigh.

6. Is é an duine a sheolann an bunachas, agus ar a ndéanfar leoréileamh faoi alt 8 (1) den Acht Staitistíochta, 1926 (Uimh. 12 de 1926), a thabharfaidh tuairisceáin agus eolas uaidh, chun criche an staidrimh, maidir le haon bhunachas lena mbaineann an tOrdú seo.

AN SCEIDEAL.

CUID I.

TIONSCAIL, TRÁDÁLACHA AGUS GNÓTHAÍ.

Fuinneamh agus Uisce:

Baint ghuail agus mhóna, astarraingt ola agus gáis nádúrtha (lena n-áirítear ullmhú láithreán) mar aon le sirtheoireacht nó taiscealaíocht i ndáil leis an gcéanna, ola mhianrúil a mhínghlanadh agus fuinneamh leictreach a ghiniúint, a tharchur agus a dháileadh, déanamh gáis in Oibreacha Gáis, soláthar agus dáileadh uisce.

Mianraí Neamhfhuinniúla:

Mianraí neamhfhuinniúla agus táirgí díobh a astarraingt agus a phróisiú agus sirtheoireacht nó taiscealaíocht i ndáil leis an gcéanna (lena n-áirítear ullmhú láithreán).

Tionscail Déantúsaíochta:

Substaintí, idir orgánach agus neamhorgánach, a chlaochló go meicniúil nó go ceimiciúil ina dtáirgí nua, mar aon leis an obair dheisiúcháin atá gaolmhar leis sin agus cóimeáil comhpháirteanna de tháirgí déantúsaíochta.

Foirgníocht:

Foirgníocht agus Cothabháil Oibreacha ag Iarnróid, Údaráis Áitiúla agus Údaráis Phoiblí eile, lena n-áirítear Foirgnimh, Oibreacha Séarachais agus Siltin, Canálacha, Cuanta agus Dugaí, Bóithre Poíblí agus Droichid agus Oibreacha eile den saghas sin.

Trádálacha Neachtlainne, Ruaimniúcháin agus Glantóireachta:

CUID II.

Is leis an mbliain 1976 a bhaineann an méid atá sa Chuid seo (ach amháin mar a n-éilíonn an comhthéacs a mhalairt).

EOLAS, TUAIRISCEÁIN AGUS SONRAÍ.

(A) Maidir le bunachais a ndéantar leoréileamh ina leith faoi alt 8 (1) den Acht Staitistíochta, 1926, ar cheann amháin nó níos mó de na foirmeacha a shonraítear i gCuid III (A) den Sceideal seo.

Uimh. 1—Sonraí an Bhunachais:

( a ) Ainm trádála.

( b ) Seoladh Príomh-Oifige.

( c ) Seoladh iomlán poist an bhunachais.

( d ) Uimhir theileafóin.

Uimh. 2—Athruithe ar na Sócmhainní Caipitiúla Dochta i rith na Bliana:

A— Méaduithe ar na Sócmhainní Caipitiúla Dochta agus idirdhealú a dhéanamh eatarthu seo a leanas:

(i) Costas gléasra, innealra, trealaimh agus feithicli a ceannaíodh.

(ii) Costas foirgneamh agus gach uile obair tógála eile.

(iii) Costas na sócmhainní caipitiúla dochta eile go léir (lena n-áirítear talamh).

B— Laghduithe ar na Sócmhainní Caipitiúla Dochta i rith na bliana agus idirdhealú a dhéanamh eatarthu seo a leanas:

(i) Toradh díolachán g1éasra, innealra, trealaimh agus feithiclí,

(ii) Toradh diolachán foirgneamh.

(iii) Toradh díolachán na sócmhainní caipitiúla dochta eile go léir (lena n-áirítear talamh).

Uimh. 3—Stoic agus Obair ar Siúl:

Luach na nithe seo a leanas i dtús agus i ndeireadh na bliana; (a) stoic d'ábhair, (b) obair ar siúl, (c) stoic d'earraí criochnaithe a rinne an bunachas agus a bhi ullamh chun a ndiola, agus (d) stoic d'earraí a ceannaíodh lena n-athdhíol gan a thuilleadh próisithe.

Uimh. 4—Táirgí a Monaraíodh agus Obair a Rinneadh i rith na Bliana:

( a ) Cainníocht agus luach gach ceann faoi leith de na priomh-tháirgí a chur síos ar leithligh. Sonraí ar na táirgí eile go léir agus luach iomlán na dtáirgí sin le chéile.

( b ) Na suimeanna a fuarthas as an obair go léir a rinne fostaithe an bhunachais, lena n-áirítear na suimeanna a fuarthas as an obair a rinneadh ar ábhair a sholáthraigh daoine eile agus na suimeanna a fuarthas as deisiúcháin a rinneadh do dhaoine eile.

Uimh. 5—Ábhair agus Comhábhair a Úsáideadh:

Cainníochtaí agus costas (sna hoibreacha) na mbunábhar agus na gcomhpháirteanna go léir a úsáideadh ag táirgeadh nó ag déanamh na dtáirgí í rith na bliana agus ag déanamh na hoibre, a n-íarrtar sonrai ina leith in Uimh. 4 thuas.

Uimh. 6—Costas Coimeádán, Deisiúchán, etc.:

Costas coimeádán agus ábhar pacála eile a dioladh leis na hearraí; costas na n-ábhar a ceannaíodh le deisiú a dhéanamh ar fhoirgnimh agus ar ghléasra ag fostaithe an bhunachais; suimeanna a iocadh as obair chonartha a rinne daoine eile ar ábhar a chuir an bunachas ar fáil i ndáil leis na táirgí a n-iarrtar sonraí ina leith in Uimh. 4 thuas; suimeanna a íocadh le gnólachtaí eile as deisiú agus cothabháil gléasra, innealra, feithiclí agus foirgneamh.

Uimh. 7—Breosla, Leictreachas, etc., a úsáideadh i rith na Bliana:

Ni foláir sonraí a thabhairt i dtaobh cainniocht agus costas (sna hoibreacha) gach ceann de na saghsanna éagsúla breosla, olaí agus leictreachais, etc., a úsáideadh agus an chainníocht leictreachais a gineadh i rith na bliana.

Uimh. 8—Fostaíocht, Tuillimh agus Uaire a oibríodh

A— Maidir le bunachais a bhfuil sé riachtanach tuairisceáin a thabhairt ina leith in aon cheann de na foirmeacha C.I.P. 76/111 go C.I.P. 76/495 atá sonraithe i gCuid III (A) den Sceideal seo.

( a ) An lion daoine a bhí iarbhír ag obair nó ar laethanta saoire nó ar saoire bhreoiteachta ar a bpá i rith na seachtaine pá dár críoch 18 Meán Fómhair, 1976, nó an dáta ionadaitheach is gaire dó sin, ag idirdhealú idir na haicmi seo a leanas agus ag taispeáint líon na bhfireannach agus na mbaineannach at leithligh:

(i) Dilseánaigh agus daoine den líon tí ag obair sa ghnó gan pá,

(ii) Foireann bainistíochta, teicníochta agus fóireann eile ar tuarastal,

(iii) Foireann cléireachais agus fóireann eile oifige,

(iv) Bunfhoireann mhaoirseachta,

(v) Oibrithe tionscail, seachas printísigh agus tascoibrithe lasmuigh,

(vi) Printísigh,

(vii) Tascoibrithe lasmuigh.

( b ) Méid iomlán an tuarastail, an phá agus an tuillimh a íocadh i rith na bliana le gach aicme de na haicmí fostaithe atá luaithe in Uimh. 8A (a) (ii) go (vii).

B.— Maidir le bunachais a bhfuil sé riachtanach tuairisceáin a thabhairt ina leith in aon cheann de na foirmeacha C.I.P. 76/54 go C.I.P. 76/60 mar atá sonraithe i gCuid III (A) den Sceideal seo.

( a ) An líon daoine a bhí iarbhír ag obair nó ar laethanta saoire nó ar saoire bhreoiteachta ar a bpá i rith na seachtaine pá dár chríoch 18 Meán Fómhair, 1976, nó an dáta ionadaitheach is gaire dó sin, ag idirdhealú idir na haicmí seo a leanas:

(i) Dilseánaigh agus daoine den líon tí ag obair sa ghnó gan pá.

(ii) Foireann bainistíochta, teicníochta, agus foireann eile ar tuarastal.

(iii) Foireann cléireachais agus foireann eile oifige ag taispeáint an líon fear, ógánach, ban agus cailíní, ar leithligh.

(iv) Oibrithe tionscail (nach tascoibrithe lasmuigh), ag taispeáint an líon fear, ógánach, ban agus cailíní, ar leithligh.

(v) Tascoibrithe lasmuigh.

( b ) Tuilleamh iomlán, agus na huaire a d'oibrigh, gach aicme de na haicmi fostaithe atá luaite in Uimh. 8B (a) (iii) agus (iv) i rith na seachtaine pá dar chríoch 18 Meán Fómhair, 1976 nó an dáta ionadaitheach is gaire dó sin.

( c ) Méid iomlán an tuarastail, an phá agus an tuillimh a iocadh i rith na bliana le gach aicme de na haicmí fostaithe atá luaite in Uimh. 8B (a) (ii) go (v).

( d ) An líon iomlán d'oibrithe tionscail (nach tascoibrithe lasmuigh) a bhí iarbhir ag obair nó ar saoire nó ar saoire bhreoiteachta ar a bpá agus méid iomlán na n-uaire a d'oibrigh siad iarbhír i rith seachtainí sonraithe áirithe i 1976.

Uimh. 9—Costais Saothair eile

Méid iomlán na muirear nó na gcostas a d'ioc an bunachais i rith na bliana i leith na bhfostaithe uile mar gheall ar—

( a ) Ranníocaí fostóirí faoi na hAchtanna Leasa Shóisialaigh agus na hAchtanna um Íocaíochtaí Iomarcaíochta.

( b ) Íocaíochtaí lúide fáltais faoin Acht Oiliúna Tionscail, 1967.

( c ) Glan-Íocaíochtaí Iomarcaíochta cnapshuime.

( d ) Ranníocaí fostóirí le ciste aoisliúntas agus aon íocaíochtaí eile i leith sochair scoir nó pinsin (neamhchistithe).

( e ) Costas sochair comhchineáil.

( f ) Gach uile chostas ar nós iocaíochtaí forlíontacha i leith tinnis, tionóiscí, préimheanna árachais, fóirdheontais do bhialann foirne, saorái dí sóisialta nó spóirt, etc.

agus na muirir nó na costais i gcás gach ceann acu seo a leanas a thaispeáint ar leithligh:

( a )Íocaíochtaí iomarcaíochta cnapshuime lúide lacáistí a fuarthas.

( b ) Sochair fhorlíontacha i leith breoiteachta, tionóiscí, etc.

( c ) Costas sochair comhchineáil.

(B) Maidir le bunachais a ndearnadh leoréileamh ina leith faoi alt 8 (1) den Acht Staitistíochta, 1926, ar an bhfoirm a shonraítear i gCuid III (B) den Sceideal seo.

Uimh. 1—Tuairisc an ghnó.

Uimh. 2—Luach na n-earraí agus na hoibre a rinneadh agus na táillí as obair a rinneadh ar ábhar na gcustaiméiri féin agus as obair dheisiúcháin agus bhreacghnó a rinneadh i rith na bliana.

Uimh. 3—Costas na n-ábhar, lena n-áirítear comhábhair, breosla, ola, gás, leictreachas, coimeádáin agus ábhar pacála eile arna ndíol i dteannta na n-earraí, a n-iarrtar sonraí ina leith in Uimh. 2 thuas.

Uimh. 4—Daoine a bhí ag gabháil don ghnó

An líon daoine a bhí iarbhír ag obair nó ar laethanta saoire nó ar saoire bhreoiteachta ar a bpá sa bhunachas i rith na seachtaine pá dár chríoch 18 Meán Fómhair, 1976, nó an dáta ionadaitheach is gaire dó sin, ag idirdhealú idir na haicmí seo a leanas:—

( a ) Dilseánaigh agus daoine den líon tí ag obair sa ghnó gan pá.

( b ) Foireann bainistíochta, teicníochta agus foireann eile ar tuarastal.

( c ) Foireann cléireachais agus foireann eile oifige ag taispeáint an líon fear, ógánach, ban agus cailíní, ar leithligh.

( d ) Oibrithe tionscail (nach tascoibrithe lasmuigh) ag taispeáint an líon fear, ógánach, ban agus cailíní, ar leithligh.

( e ) Tascoibrithe lasmuigh.

Uimh. 5—Méid iomlán an tuarastail, an phá agus an tuillimh a iocadh i rith na bliana leis na haicmi fostaithe atá luaite in Uimh. 4. (b) go (e).

CUID III.

(A)— Maidir le bunachais ar gá an t-eolas, na tuairisceáin ags na sonraí a ordaítear i gCuid II (A) den Sceideal seo a thabhairt ina leith.

(B)— Maidir le bunachais ar gá an t-eolas, na tuairisceáin agus na sonraí a ordaitear i gCuid II (B) den Sceideal seo a thabhairt ina leith.

Foirm Uimh. C.I.P. 76/61—Tuairisceán Ginearálta.

ARNA THABHAIRT faoi mo Shéala Oifigiúil an 22ú lá seo de Nollaig, 1977.

SEÁN Ó LOINSIGH.

NÓTA MÍNIÚCHÁIN.

Is é is cuspóir don ionstraim seo cumhacht a thabhairt chun Mórháireamh reachtúil a dhéanamh ar Thairgeadh Tionscail don bhlian 1976, míniú a thabhairt ar scóp an Mhóráirimh agus a chur faoi deara tuairisceáin a thabhairt don Phríomh-Oifig Staidrimh i dtaobh na mbunacas go léir ar eisíodh na foirmeacha ordaithe ina leith.